पाल्पा । रिब्दीकोट गाउँपालिका गाउँ कार्यपालिकाको कार्यालयका जनप्रतिनिधि तथा कर्मचारीहरुका लागि गुणस्तरीय आर्थिक, सामाजिक, भौतिक पूर्वाधार विकासको माध्यमबाट समृद्ध रिब्दीकोट भन्ने मुल नाराका साथ फाल्गुण २८ र २९ गते सन्चालन भएको थियो ।
कार्यक्रममा बोल्दै गाउँपालिका अध्यक्ष नारायण बहादुर कार्कीले पालिकाको विकासमा टेवा पुग्ने उदेश्यले यो कार्यक्रम आयोजना गरिएको बताउनुभयो । यस तालिमले जनप्रतिनिधि र कर्मचारीहरुको मनोबल उच्च बनाएको महसुस भएको छ । आगामी दिनमा सिकेका कुराहरुलाई ब्यवहारमा उतार्ने उहाँले प्रतिबद्धता जायर गर्नुभयो ।त्यस्तै उपाध्यक्ष कान्ती अधिकारीले यो कार्यक्रमबाट काम गर्न थप हौसला मिलेको बताउनुभयो ।
कार्यक्रमको प्रमुख प्रशिक्षकको रुपमा राष्ट्रिय सुचना आयोगका पुर्वप्रमुख आयुक्त कृष्णहरि बास्कोटाले पालिकाले पाएको अधिकार नबुझदा सोचेअनुसारको उपलब्धी हासिल गर्न नसकेको बताउनुभयो । उहाँले आफनो अधिकार क्षेत्रको अध्ययन गरी पालिकाको विकास र समृद्धिको लागि एकजुट भई आफनो कार्यक्षमतालाई प्रयोग गर्न सुझाव दिनुभयो ।
त्यस्तै प्रशिक्षण र विकास सम्बन्धी विशेषज्ञ हिम्मत सिङ लेकालीले सकारात्मक सोचबाट अगाडि बढे विकास सम्भव हुने बताउनुभयो । त्यसको लागि आफनो जिम्मेवार र कर्तब्यलाई भुल्न नहुने उहाँको भनाई छ ।
कार्यक्रमको सन्चालन गाउँपालिकाका सुचना अधिकारी रुकलाल अधिकारीले गर्नुभएको थियो । तालिम रिब्दीकोट गाउँ कार्यपालिकाको आयोजना र तालिम प्रदायक संस्था बुद्धभुमि कन्सल्टिङ प्रा. लि. काठमाडौले गरेको थियो ।
