काठमाडौं । नेपाली कांग्रेसको समहासमिति बैठक नजिकिएसँगै हिन्दुराष्ट्रबारे बहस तीब्र रुपमा सुरु भएको छ ।
कांग्रेसका २२ जना नेताहरुले केन्द्रीय कार्यासमिति बैठकमा महासमिति बैठकमा हिन्दुराष्ट्रबारे प्रस्ताव पेश गर्न पुरक प्रस्ताव दर्ता गराएका थिए ।
त्यसको नेतृत्व नेता शंकर भण्डारीले गर्नुभएको थियो । नेता भण्डारीले आज एक कार्यक्रमको आयोजना गरी सनातन हिन्दुराष्ट्र स्थापना महाअभियानको शुभारम्भ गर्नुभएको हो ।
महाअभियानमा साथ दिनका लागि उहाँले काङ्ग्रेसका नेता, महासमिति सदस्य तथा महाधिवेशन प्रतिनिधिहरू, कार्यकर्ता र शुभेच्छुकहरू माझ आग्रह गर्नुभएको छ । कांग्रेस महासमिति बैठक आगामी फागुन ७ गतेदेखि सुरु हुँदैछ ।
