काठमाडौं । रासमस होएलण्डको दुई गोल मद्दतमा म्यानचेष्टर युनाइटेडले प्रिमियर लिगमा लुटनज टाउनलाई २-१ ले पराजित गरेको छ ।
लुटनको मैदानमा भएको खेलमा रासमसले सुरुवाती सात मिनेट भित्रै दुई गोल गरेका थिए । पहिलो मिनेटमै गोल गरेका रासमसले सातौँ मिनेटमा व्यक्तिगत दोस्रो गोल गर्दै युनाइटेडलाई २-० को अग्रता दिलाएका थिए ।
१४औं मिनेटमा चार्ल्टन मोरिसले लुटनका लागि गोल गर्दै खेलमा गोल अन्तर घटाएका थिए । तर त्यसपछि भने दुवै टोलीले गोल गर्न सकेनन् ।
जितपछि युनाइटेड २५ खेलबाट ४४ अंकसहित छैटौं स्थानमै छ । लुटन २४ खेलबाट २० अंकसहित १७औं स्थानमा छ । लिगकै अर्को खेलमा ब्राइटनले शेफिल्ड युनाइटेडलाई ५-० ले हराएको छ ।
