अनिल नेपाली, अर्घाखाँची - जिल्लाको मालारानी गाँउपालिकाका प्रमुख प्रशासकीय अधिकृत चेतनारायण कडेलको एक कार्यक्रमका बीचमा विदाई गरिएको छ ।
भाद्र १५ गते सरुवा भई आउनुभएका कडेलले झण्डै ८ महिना गाँउपालिकाको प्रमुख प्रशासकीय अधिकृतको रुपमा जिम्मेबारी सम्माल्नुभएको थियो ।
कडेलले गाँउपालिकामा प्रशासनीक क्षेत्रमा मात्रै नभई विकासका अन्य क्षेत्रमा पनि प्रमुख प्रशासकीय अधिकृतको रुपमा कडेलले अतुलनीय योगदान गर्नुभएको थियो ।
देख्दा समान्य देखिने कडेलले विकासका सबै सन्दर्भमा सधैं सकारात्मक ढंगले साथ दिएको बताउदै राज्यले दिएको जिम्मेबारी पुरा गनु आफ्नो दायित्व भएकोले आफु जुनसुकै जिल्लामा जागिरको शिलशिलामा रहेता पनि सुशासन र जवाफदेहिता लाई पहिलो प्राथमिकतामा राखेर काम गर्ने बताउदै कर्मचारी सरकारको स्थायी सरचना भएकोले राज्यलाई विकास समृद्धि सुशासनको बाटोेमा अगाडि बढाउनको लागि महत्वपुर्ण भुमिका रहने बताउदै गाँउपालिकाको छोटो बसाईमा पनि सेबा प्रबाहलाई पहिलो प्राथमिकतामा राखेर काम गरेको बताए ।
कडेल २०७४ साल चैत ७ गते खरिदारबाट सेबा शुभारम्भ गरी २०७९ सालमा शाखा अधिकृत परीक्षा उत्तीर्ण गरी मालारानी गाँउपालिकाको प्रमुख प्रशासकीय अधिकृतको रुपमा आउनुभएको थियो अधिकृत कडेलको दाङको बबई गाँउपालिकामा सरुवा भएको छ ।
प्रमुख प्रशासकीय अधिकृत कडेलको सोमबार जनप्रतिनिधि र कर्मचारीले सयुक्त रुपमा बिदाई गरेका हुन्
