बुटवल । बुटवल उपमहानगरपालिका वडा नं ४ का अध्यक्ष नरिश्वर शर्माको अगुवाईमा आज गौ सेवा क्रार्यक्रम सम्पन्न भएको छ ।
उक्त कार्यक्रमको प्रमुख अथितिको रुपमा बौल्दै अध्यक्ष शर्माले छाडा चौपायालाई महानगरको पहलमा ब्यवस्थापन गरिएको हो । यसको लागि उपमहानगरपालिकाले विशेष भुमिका निर्वाह गरेको बताउदैँ उहाँले आफनो दक्षता अनुसार चौपायाको सेवामा लाग्न सबैलाई आग्रह गर्नुभयो ।
उपमहानगरपालिकामा रहेका १४ वडाहरुमध्ये ४ नं वडा अब्बल रहेको बताउदैँ उहाँले चौपायाहरुको सरंक्षणका लागि महानगरको मात्र दायित्व नभएर समुदायको पनि उत्तिकै भुमिका रहेको बताउनुभयो । अध्यक्ष शर्माले यस कार्यमा लाग्न नागरिक समाज, सघं सस्था, उदयोग ब्यवसायीलगायत सबैलाई आग्रह गर्नुभयो ।
कार्यक्रममा नागरिक समाज, सघं सस्था, उदयोग ब्यवसायी लगायतको उपस्थिति रहेको थियो । सहयोगीदाताहरुबाट शिवनगरको गौशालामा सामानहरुसहित नगद हस्तान्तरण गरिएको थियो ।
कार्यक्रमको स्वागत मन्तब्य वडा सदस्य अरुण कुमार श्रेष्ठले राख्नुभएको थियो भने सचांलन वडा सचिव विष्णु प्रसाद श्रेष्ठले गर्नुभएको थियो ।
