दाङ । देउखुरीको राजपुर गाउँपालिका-७, हाडबास गाउँमा आगलागी हुँदा दुई दर्जन बढी घर जलेर नष्ट भएका छन् ।
गाउँमा रहेका २५ घरमध्ये अहिले सम्म २४ घर आगलागीबाट जलेर नष्ट भएको इलाका प्रहरी कार्यालय गढवाकी प्रमुख नवीन वलीले जानकारी दिए ।
गाउँसम्म पुग्ने बाटो नहुँदा आगो निभाउन दमकल पुग्न सकेको छैन । जसका कारण आगलागी नियन्त्रणमा लिन सकिएको छैन । आगो नियन्त्रणमा लिने प्रयास जारी राखिएको छ ।
आगलागीस्थलमा नेपाल प्रहरी, सशस्त्र प्रहरी र स्थानीयबासीहरू परिचालन भएपनि प्रयाप्त पानीको स्रोत नहुँदा र भौगोलिक कठिनाईका कारण आगो नियन्त्रणमा ल्याउन कठिनाई भइरहेको इलाका प्रहरी कार्यालय गढवाले जनाएको छ ।
