काठमाडौं – इन्डियन प्रिमियर लिगमा लखनउ सुपर जायन्ट्सले प्लेअफ सम्भावना बलियो बनाएको छ।
मंगलबार राति भएको खेलमा मुम्बई इन्डियन्सलाई ४ विकेटले पराजित गर्दै लखनउले प्रतियोगितामा छैटौं जित निकाल्दै १२ अंक बनाएर तेस्रो स्थानमा उक्लिन सफल भयो।
लखनउमा भएको खेलमा टस हारेर पहिले ब्याटिङ गरेको मुम्बईले निर्धारित २० ओभरमा ७ विकेट गुमाएर १ सय ४४ रन बनाएको थियो। उसका लगि नेहल वाधेराले ४६ रन बनाउनु सर्वाधिक रह्यो।
उनी बाहेक टिम डेभिडले ३५ रनको नटआउट इनिङ खेल्दा इशान किशनले ३२ र सूर्यकुमार यादवले १० रन बनाए। लखनउका लागि मोहसिन खानले २ विकेट लिँदा मार्कुस स्टोइनिस, नभिन उल हक, मंयक यादव रभि विश्वइले समान १-१ विकेट लिएका थिए।
जवाफमा लखनउले उक्त लक्ष्य ४ बल अगाडिनै ६ विकेट गुमाएर पूरा गर्यो। लखनउको जितमा केएल राहुलले २८ रन बनाउँदा मार्कुस स्टोइनिसले ६२ रन बनाए।
त्यस्तै, दिपक हुडाले १८ रन बनाउँदा निकोलस पुरनले १४ रन बनाएका थिए। मुम्बईका लागि हार्दीक पाण्ड्याले २ विकेट लिँदा नुवान थुसारा, जेर्राल्ड कोएट्जे र मोहम्मद नावीले समान १-१ विकेट लिए।
आइपिएलमा आज चेन्नई र पञ्जाव भिड्दै छन्।
