अनिल नेपाली, अर्घाखाँची । भौतिक विकासले भन्दा मानवीय ज्ञानको विकासले देशमा परिवर्तन ल्याउने जिल्ला समन्वय समिति अर्घाखाँची प्रमुख जिवनारायण कोईरालाले बताएका छन ।
जिल्ला स्वास्थ्य कार्यालय अर्घाखाँचीको आयोजना र हेलेन केयरको समन्वयमा सम्पन्न कार्यक्रममा मन्तब्य राख्दै प्रमुख कोईरालाले यस्तो बताएका हुन ।
प्रमुख कोईरालाले भौतिक विकासले भन्दा मानविय विकासको ज्ञानले गुणात्मक फड्को मार्ने भएकाले स्वास्थ्य शिक्षाको विकासमा जोड दिनुपर्ने बताएका थिए ।
कार्यक्रममा स्वास्थ्य प्रमुख शिव नेपाली, शितगगा नगरपालिका प्रमुख प्रशासकीय अधिकृत अर्जुन शर्मा लगायतले मन्तब्य राखेका थिए ।
कार्यक्रममा हेलेन केयरका कार्यक्रम अधिकृत , स्वास्थ कार्यालयका सुचना अधिकारी विजय विक लगायतले प्रस्तुति समेत प्रस्तुत गरेका थिए ।
कार्यक्रममा गर्भवती महिलाले आईरनचक्कि भन्दा एमएसआई प्रयोग गनुपर्ने बताएका थिए । शितगगा नगरपालिकाका नगर प्रमुख छविलाल पौडेलको अध्यक्षतामा सम्पन्न कार्यक्रममा स्वास्थ्यकर्मी लगायतको उल्लेखनीय सहभागीता रहेको थियो ।
