अर्घाखाँची । अर्घाखाँचीको शितगङ्गा नगरपालिका वडा न. २ सितापुरमा अवस्थित सरस्वती माध्यमिक विद्यालयको मातहतमा रहेको सुस्तमनोस्थिति केन्द्रमा रहेका बालबालिकाको स्वास्थ्यलाई मध्यनजर गर्दै बिहिबार फ्रीज र खाद्य सामाग्रीहरु सौजन्य गरिएको छ ।
बुटवलस्थित अन्नपूर्ण माध्यमिक विद्यालय मोडल कलेजका प्रबन्धक मित्रहरि आचार्यद्वारा ब्यक्तिगत रुपमा सरस्वती माध्यमिक विद्यालयलाई १ थान (१८० लिटर) फ्रीजका साथै खाद्य सामाग्रीहरु सौजन्य गरिएको थियो ।
कार्यक्रम शितगङ्गा नगरपालिका वडा न. २ का वडा अध्यक्ष राम बहादुर गोर्खा क्षेत्रीको प्रमुख आतिथ्यतामा भएको कार्यक्रममा विद्यालय ब्यवस्थापन समितिका अध्यक्ष यदुप्रसाद काश्यप, विद्यालयका प्रधानाध्यापक खुम प्रसाद बेल्बासे, सहायक प्रधानाध्यापक धर्मराज खनाललगायतको उपस्थिति रहेको थियो ।
कार्यक्रममा सहभागी वक्ताहरुले बालबालिकाको भविष्यलाई ख्यालमा राखेर गरिएको सहयोगले विद्यालयलाई राहत पुगेको भन्दै प्रबन्धक आचार्यलाई धन्यवाद दिएका थिए ।
