काठमाडौँ । फ्रान्सका कप्तान तथा स्टार फुटबलर केलियन एमबाप्पेले ग्लोब सकर अवार्ड जितेका छन् ।
युरोपको प्रतिष्ठित अवार्डको रूपमा रहेको ग्लोब सकर अवार्डमा उनले भिनिसियस जुनियर र जुड बेलिङ्घमलाई पछि पारेका हुन् । मनोनयनमा रहेका ती दुबै खेलाडी रियल मड्रीडबाट फुटबल खेल्छन् ।
यो सिजनबाट पिएसजी छाडने फैसला गरेका एम्बाप्पे आफ्नो ड्रीम क्लब रियलनै जाने करिब पक्का रहेको जनाइएको छ ।
गएराति इटालीको सार्डिनियामा भएको समारोहमा अर्टेटाले प्रिमियर लिग कोच अफ द सिजन जितेका छन् ।
त्यसैगरी, जिरोनाका मिशेलले ला लिगा कोचिङ पुरस्कार प्राप्त गरे । बार्सिलोना र म्यानचेस्टर सिटीले क्रमशः महिला र पुरुष टिम अफ द इयर अवार्ड जितेका थिए ।
