काठमाडौँ । राष्ट्रिय परीक्षा बोर्डको सदस्य सचिवको जिम्मेवारी जंगबहादुर अर्यालले पाएका छन् ।
अघिल्ला सदस्य सचिव दुर्गा अर्याल अनिवार्य अवकाशमा गएपछि सो जिम्मेवारी जंगबहादुर अर्यालले पाएका हुन् । अर्याल यसअघि कर्मचारी प्रशासन तथा जनशक्ति विकास महाशाखा प्रमुख थिए ।
नेपाल शिक्षा सेवाको राजपत्राङ्कित प्रथम श्रेणीको अधिकृत वा राष्ट्रिय परीक्षा बोर्डको वरिष्ठ कर्मचारीहरू मध्येबाट मन्त्रालयले तोकेको कर्मचारी सदस्य सचिव बन्ने व्यवस्था छ ।
पदभार ग्रहण गर्दै अर्यालले परीक्षा बोर्डलाई समयानुकूल चुस्त बनाउनेदेखि तोकिएको जिम्मेवारी पूरा गर्ने बताएका छन् ।
