काठमाडौँ । सेभेन सिज सिनेमाको प्रस्तुतिमा बन्न लागेको फिल्म ‘पूर्ण बहादुरको सारङ्गी’मा कलाकारको रूपमा विजय बराल र बुद्धि तामाङ भित्रिएका छन् ।
निर्माण युनिटले सोमबार बराल र तामाङसँग सम्झौता गर्दै कलाकारको लाइनअप बलियो बनाएको हो । यसअघि फिल्मको मुख्य भूमिकाको लागि प्रकाश सपूत, मुकुन भुसाल, अञ्जना बराइली, विनोद न्यौपाने, भोलाराज सापकोटा र देशभक्त खनाल अनुबन्धित भएका थिए ।
फिल्म विनोद पौडेलले निर्माण गर्न लागेका हुन् । फिल्मको बालकलाकारमा जान्भि पौडेल र स्वायम् केसी रहेका छन् । सरोज पौडेलले निर्देशन गर्न लागेको फिल्म गन्धर्व परिवारको कथामा आधारित रहेर निर्माण हुन लागेको हो । फिल्मको अन्तर्राष्ट्रिय वितरण सेभेन सिज इन्टरटेनमेन्टले गर्दैछ ।
फिल्ममा विनोदलाई निर्माणमा प्याट्रिक सुवेदीको सहकार्य गर्दैछन् । रमेश चौलागाईं र हरि श्रेष्ठ फिल्मका कार्यकारी निर्माता हुन् । महेश दवाडीको पटकथा तथा संवाद रहेको फिल्ममा प्रशान्त सिवाकोटीको संगीत छ । फिल्मको प्रदर्शन मिति विं.सं.२०८२ सालभित्र भनिएको छ ।
