धनुषा । धनुषाको मिथिला नगरपालिका-६ ढल्केवर चोकस्थित सडकबाट अवैध लागूऔषध ब्राउनसुगर जस्तो देखिने पदार्थ १० ग्राम ६ सय ५० मिलिग्राम सहित आइतबार बिहान २ जना पक्राउ परेका छन ।
पक्राउ पर्नेहरूमा जनकपुर उपमहानगरपालिका-१ भानुचोक बस्ने २५ वर्षीय रबिन्द्र ठाकुर र २४ वर्षीय अमित कुमार साह रहेका छन् ।
इलाका प्रहरी कार्यालय ढल्केवरबाट खटिएको प्रहरीले जनकपुरबाट बर्दिवासतर्फ जाँदै गरेको मधेश प्रदेश-०२-००६ प ५१०७ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
