काठमाण्डौ - नेपालले एक दिवसीय अभ्यास खेलमा जर्सीलाई ८१ रनले हराएको छ ।
गए राति भएको खेलमा नेपालले दिएको २५१ रनको लक्ष्य पछ्याएको जर्सी ४१ ओभरमै १६९ रनमा अलआउट भयो । जर्सीका लागि चार्ली ब्रेननले अविजित ८२ तथा डानियल बिरेलले ४१ रन बनाए पनि टोलीलाई हारबाट जोगाउन सकेनन् । नेपालको जितमा ओपनर कुशल भुर्तेलले १०५ को शतकीय पारी खेले । भीम सार्कीले ३९ रनको योगदान गरे ।
टस हारेर पहिला ब्याटिङ गरेको नेपालले निर्धारित ५० ओभरमा आठ विकेट गुमाएर २५० रन बनाएको थियो । बलिङतर्फ हेमन्त धामीले चार विकेट लिए भने आरिफ शेखले तीन विकेट लिए । करण केसी र सन्दीप लामिछानेले एक/एक विकेट लिए ।
अब नेपालले भोलि दोस्रो अभ्यास खेल खेल्नेछ । त्यसपछि नेपाली टोली आईसीसी क्रिकेट विश्वकप लिग–२ अन्तर्गत नेदरल्यान्ड्समा हुने त्रिदेशीय शृङ्खला खेल्न जानेछ । यो शृङ्खलामा नेपालले घरेलु टोली नेदरल्यान्ड्स र नामिबियासँग प्रतिस्पर्धा गर्नेछ ।
