काठमाडौं । कपिलवस्तु किसान संघ तथा उखु किसान संघर्ष समितिले उद्योगीले उखु किसानको रकम भुक्तानी नगरेको भन्दै बिहीबार काठमाडौंको माइतिघरमा धर्ना दिएका छन् । आर्थिक बर्ष २०७१/७२ मा सरकारले रु. २५ प्रति क्विन्टल अनुदान उखु किसानलाई दिने निर्णय गरे पनि हालसम्म नपाएको भन्दै अनुदान रकम अविलम्व असुल उपर गराई कारवाही गर्न माग गर्दै किसानहरुले धर्ना दिएका हुन् ।
त्यस्तै उद्योगले लामो समयदेखि किसानको रकम भुक्तानी नगरेको उनीहरुको गुनासो छ । उनीहरुले सवै उखु किसानलाई अनुदानको व्यवस्था गर्नुपर्ने, कृषि उपजको सरकारले निर्धारण गरेको न्युनतम समर्थन मुल्य अनिवार्य रुपमा पाउने व्यवस्था मिलाउनुपर्ने माग गरेका छन् ।
समितिले ट्याक्टर खरिद गर्दा सहुलियत दरमा भन्सार गराई कृषकले स्वयं ल्याउन पाउने गरि व्यवस्था मिलाउन पनि माग गरेको छ ।
