प्यूठान । झिमरुक गाउँपालिकामा कर्मचारी माथि हातपात भएको छ । गाउँपालिका अध्यक्ष पित बहादुर महतराका छोरा तथा अखिल क्रान्तिकारीका केन्द्रिय उपाध्यक्ष  मिलन एमसी सहितका ३ जनाले योजना शाखाका सहायक कर्मचारी दिपक जि.सी.लाई हातपात गरेका हुन् ।

भुक्तानीका लागि स्थानीय उपभोक्ता समितिका २ जना सदस्य लिएर आएका एमसीले जि.सी. माथी हातपात गरेको प्रमुख प्रशासकीय अधिकृत शुवास रिजालले पुष्टि गरे । शाखामा हातपात भएपछि आफूकहाँ जोगिन आएका योजना शाखाका जि.सी.सँग सोधपुछ गर्दा आफैलाई समेत आक्रमणको प्रयास भएको अधिकृत रिजालले बताए ।

प्रत्यक्षदर्शिका अनुसार महतराले मदिरा सेवन गरेर कार्यालयको योजना शाखामा भुक्तानीको लागि आएका बताएका थिए ।  घटनाबारे अनुसन्धान भइरहेको जिल्ला प्रहरी प्रमुख सुवास खड्काले जानकारी दिए । घटनाबारे गाउँपालिका अध्यक्ष पित बहादुर महतरासँग बुझ्दा कार्यालयमा घटना भएको पुष्टि गर्दै आफु बाहिर भएकाले थप जानकारी दिने स्पष्ट पारे ।

कर्मचारी माथि  गरेको यो व्यवहार अत्यन्त दुःखद र निन्दनिय रहेको गाउँपालिका सुचना अधिकारी हरि प्रसाद पोखरेल बताए ।