गुल्मी। सुचना प्रविधि सम्बन्धी सरोकारवाला निकायलाई जानकारी दिने उदेश्यले गुल्मीको तम्घासमा आयोजना गरिएको एक दिने सूचना प्रविधि सम्बन्धी अभिमुखीकरण कार्यक्रम सम्पन्न भएको छ ।
जिल्लाका विभिन्न क्षेत्रमा रहि सूचना प्रविधि सम्बन्धी व्यवसाय गर्ने,सूचना तथा सञ्चार प्रविधिको क्षेत्रमा कार्यरत र बिभिन्न पेशामा संलग्न सरोकारवालालाई समावेश गरि उक्त अभिमुखीकरण गरिएको थियो।
गुल्मी लगायत छिमेकी जिल्लाहरुमा कम्प्युटर लगायत बिभिन्न सुचना,संचार र प्रविधिको क्षेत्रमा कार्य गर्दै आएको चर्चित सप्लायर्स हाइस्पीड कम्प्युटर प्रा.लि.को आयोजना र संसारका झन्डै एक सय भन्दा बढी देशहरूमा सुचना र प्रविधिसंग सम्बन्धित सामाग्री उत्पादन र वितरण गर्दै आइरहेको रुजी रि ब्राण्डको सहयोगमा उक्त अभिमुखीकरण कार्यक्रम संचालन गरिएको हाइस्पीड कम्प्युटर प्रा.लि.का सञ्चालक कृष्ण खनालले जानकारी दिनुभयो।
अभिमुखीकरण कार्यक्रममा रुजी रि कम्पनीको तर्फबाट प्रशिक्षक रोशन गिरी र कृष्ण खनालले सूचना प्रविधिसँग सम्बन्धीत् प्रशिक्षण दिनु भएको थियो । प्रशिक्षण कार्यक्रमका सहभागीमध्ये आफ्ना अनुभव राख्दै सिद्दबाबा माध्यमिक विद्यालयका शिक्षक टीका खड्काले नेटवर्क र इन्टरनेट सम्बन्धी धेरै जानकारी प्राप्त गर्ने अवसर मिलाएको प्रति आयोजकलाई धन्यवाद दिनुभयो।
बढ्दो बजारीकरण, प्रविधिको उच्चतम प्रयोग एवं दिनानुदिन भएको प्रविधिको विकाससँगै नयाँ-नयाँ प्रविधिहरू नेपालमा पनि भित्रिरहेको सन्दर्भमा अभिमुखीकरणबाट अपडेट हुने अवसर मिलेको सहभागीले बताए।
विगत १२ वर्षदेखि गुल्मी र आसपासका जिल्लाहरूमा सूचना तथा सञ्चार प्रविधि सम्बन्धी सेवाहरू प्रदान गर्दै आइरहेको हाइस्पीड कम्प्युटर प्रा.लि.ले रुजी रिको आधिकारिक वितरकको रूपमा उक्त प्रविधिहरू पनि बिक्रि वितरण सुरु गरेको सञ्चालक खनालले बताउनुभयो।
चीनमा उत्पादन हुने उक्त प्रविधिहरूले विश्व बजारका विभिन्न देशहरूमा विभिन्न अवार्ड तथा पुरस्कार प्राप्त गरिसकेको छ।नेपालमा पनि नेटवर्क र इन्टरनेट डिभाइसमा ठुलो बजार हिस्सा लिने कम्पनीका नेपालका प्रतिनिधिहरूले दावी गरेका छन्।
सदरमुकाम स्थित बिभिन्न विधालयका शिक्षक,सहकारीका ब्यबस्थापक,सुचना प्रविधिका सप्लायर्स र संचारकर्मीको सहभागिता रहेको अभिमुखीकरण कार्यक्रममा नेटवर्क डिजाइन, नेटवर्क र इन्टरनेट उपकरणहरूको उत्पादन र बिक्री वितरण, नेटवर्क सुरक्षा सम्बन्धी जानकारी दिइएको हाइस्पीड कम्प्युटरका सञ्चालक कृष्ण खनालले जानकारी गराउनुभयो ।
