बुटवल । ब्रह्माकुमारी ईश्वरीय विश्व विद्यालयको शाखा कार्यालय कालिकानगर, रुपन्देहीमा सर्वमान्य ज्योति स्वरुप शिव परमात्मा अवतरण यादगार दिवसको अवसरमा आयोजित शिवध्वजारोहण कार्यक्रम बिहिबार सम्पन्न भएको छ ।
कार्यक्रम बुटवल उपमहानगरपालिका वडा नं.१ का वडा अध्यक्ष प्रदिप कुमार श्रेष्ठले पानसमा दीप प्रज्वलन गरी उद्धाटन गर्नुभएको थियो । कार्यक्रममा सभाध्यक्ष बडी दिदीले आध्यात्मिक,मानवीय मूल्य संबन्धि धारणा ब्यक्त गर्नुभएको थियो ।
बोल्ने वक्ताहरुले मानवीय सेवा नै धर्म हो भन्दै ॐ शान्ति जस्ता सस्थांहरुले मुलुक शान्त,सुखी र समृद्ध बनाउन ठुलो टेवा पुर्याउने धारणा राखेका थिए । सभाध्यक्ष बडी दिदी र प्रमुख अथिति प्रदिप कुमार श्रेष्ठले इश्वरीय उपहारबाट सम्मान गर्नुभएको थियो ।
रिपोर्टस क्लब लुम्बिनी प्रदेश अध्यक्ष राम कुमार क्षेत्री ,लायन्स क्लबका डिस्ट्रिक गर्भनर अनुवमान सैजु ,हिन्दु स्वयं सेवक संघका राष्ट्रिय सेवा प्रमुख मनोज मित्तल ,नेपाल विद्युत प्राधिकरणका अधिकृत गंगाराम बस्याललगायत अन्य अथितिको उपस्थिति रहेको थियो ।
