काठमाडौं । पूर्वसभामुख दमननाथ ढुङ्गानाको निधन भएको छ ।
आज (आइतबार) उपचारको क्रममा काठमाडौंको पुरानो बानेश्वरस्थित फ्रन्टलाइन अस्पतालमा ढुङ्गानाको निधन भएको हो ।
पछिल्लो एक महिनादेखि स्वास्थ्यमा समस्या आएपछि उनलाई उपचारका लागि अस्पताल भर्ना गरिएको थियो । ढुङ्गाना कलेजोसम्बन्धी रोगबाट पीडित थिए । पूर्वसभामुखसँगै ढुङ्गाना वरिष्ठ अधिवक्तासमेत थिए ।
कानुन व्यवसायको क्षेत्रमासमेत उनी चर्चित थिए । उनी २०४८ सालको आम निर्वाचनमा काठमाडौं क्षेत्र नम्बर २ बाट निर्वाचित भएसँगै सभामुख बनेका थिए । उनी २०४८ सालदेखि २०५१ सम्म सभामुख थिए ।
