बाँके । राष्ट्रिय गौरवको सिक्टा सिचाइँ आयोजनाका ठेकेदार कम्पनीले बाँकेको राप्तीसोनारी गाउँपालिका क्षेत्र भित्रको ढुंगा गिट्टी उत्खनन वापतको राजश्व पालिकालाई नबुझाएको पाइएको छ । राप्तीसोनारी गाउँपालिका ३ मा सिक्टा सिचाइँ आयोजनाद्धारा निर्माणाधीन तटबन्धका लागि आयोजनाले राप्तीनदीबाट ढुंगा गिट्टी उत्खनन गरिरहेको छ । आयोजनाको लगानीमा वडा नं ३ को सिनावास र गलरावासमा तटबन्धन निर्माणको काम भइरहेको छ ।
सिक्टा सिचाइँ आयोजनाले तटबन्धन निर्माणका लागि वली विल्डर्स र भाग्यलक्ष्मीलाई ठेक्का दिएको छ । तर ती ठेकेदार कम्पनीले पालिकालाई बुझाउनु पर्ने राजश्व बुझाएका छैनन् । पालिकाका प्रशासकीय अधिकृत ओमप्रकाश देवकोटाले तटबन्धन निर्माणका लागि आवश्यक पर्ने ढुंगा गिट्टी उत्खनन गर्न दिइएको भए पनि ठेकेदार कम्पनीले अहिलेसम्म राजश्व नबुझाएको बताए ।
यी दुई ठेकेदार कम्पनीले लाखौं रुपैयाँ रकम राजश्व पालिकालाई बुझाउनु पर्नेछ । तर अहिलेसम्म वली विल्डर्सले वडा कार्यालयमा एक लाख रुपैयाँ मात्रै बुझाएको पाइएको छ । सिक्टा सिंचाइँ आयोजनाबाटै ठेक्का सकारेर काम गरिरहेपनि उनीहरुले पालिकालाई तिर्नुपर्ने रकम नर्तिदा पालिकाको राजश्व प्रभावित भएको छ । यसबारेमा विल्डर्सका भुपाल वलीलाई सम्पर्क गर्दा फोन उठेन ।
सिक्टा सिचाइँ आयोजनाका प्रमुख राजेश सिंहले आफुहरुले ठेक्का लगाउँदा नै ढुंगा गिट्टी उत्खनन परिमाणको हिसावले राजश्व रकम समेत तोकेर ठेक्का दिने गरिएको बताए । उनले यसमा आयोजनाको भूमिका नहुने उल्लेख गरे । राप्तीसोनारी गाउँपालिका वडा नं ३ का वडाअध्यक्ष मिन कुमार थारुले अहिलेसम्म वली विल्र्डसले एक लाख रुपैयाँमात्रै राजश्य दाखिला गरेको बताए । ढुंगा गिट्टी उत्खननमा ठेकेदार कम्पनीको मनोमानी चल्दा राप्तीसोनारी गाउँपालिकाको राजश्व प्रभावित भएको छ ।
प्रमुख प्रशासकीय अधिकृत देवकोटाले उक्त क्षेत्रमा ठेक्का सकार्ने ठेकेदार कम्पनीहरु कति छन् रु उनीहरुले के कतिमा ठेक्का सकारेका हुन् रु त्यसको विवरणसहित पालिकालाई पठाउन सिक्टा सिँचाइँ आयोजनासँग माग गरिएको जनाए ।
