विराटनगर । सप्तकोसीको पुलमा बस र ट्रक एक आपसमा ठोकिँदा ट्रक नदीमा खसेको छ।
पूर्वबाट पश्चिमतर्फ जाँदै गरेको मे १ ख १७६५ नम्बरको बस र पश्चिमबाट पूर्वतर्फ आउँदै गरेको मे १ ख ३००७ नम्बरको ट्रक एक आपसमा ठोकिँदा ट्रक नदीमा खसेको जिल्ला प्रहरी कार्यालय सुनसरीले जनाएको छ।
ट्रक कोसी ब्यारेजको ९ र १० ढोकाबाट सप्तकोसी नदीमा खसेको जिल्ला कार्यालय सुनसरीका प्रवक्ता डिएसपी राजकुमार राईले जानकारी दिए। उनका अनुसार आज बिहान करिब ७ : ४५ को समयमा पूर्वबाट पश्चिम तर्फ जाँदै गरेको बस र पश्चिमबाट पूर्वतर्फ जाँदै गरेको ट्रक एक आपसमा ठोकिँएका थिए।
दुर्घटनामा कुनै पनि खालको मानवीय क्षति नभएको जानकारी दिँदै उनले नदीमा खसेको ट्रक हराएको बताए। ट्रक भित्र रहेको ३ जनाकाे उद्धार गरिएकाे छ ।
