काठमाडौं । साइबर क्राइम कसुरमा प्रहरीको हिरासतमा रहेका मेडिकल व्यवसायी दुर्गा प्रसाईँलाई सर्वोच्च अदालतमा उपस्थित गराइएको छ ।
प्रसाईँका छोरा निराजनले गैरकानुनी थुनामा राखिएको दाबी गर्दै बन्दी प्रत्यक्षीकरण रिट दायर गरेका थिए । सो रिटमा सुनुवाइ गर्दै सर्वोच्चका न्यायाधीश मनोज शर्माको इजलासले प्रसाईँलाई उपस्थित गराउन आदेश दिएको थियो ।
सोही आदेश बमोजिम सरकारले प्रसाईँलाई आज सर्वोच्चमा उपस्थित गराएको हो । प्रसाईँको आजै बयान गराइने र लिखित जवाफ पनि आजै पेश भएको खण्डमा सुनुवाइसमेत हुनसक्ने बताइएको छ । यदि आज लिखित जवाफ पेश नभएको खण्डमा सुनुवाइ अर्को दिनका लागि तोकिने छ ।
