बुटवल। सिद्धार्थ राजमार्ग अन्र्तगत बुटवल–पाल्पा सडकखण्डमा निर्माणाधिन सिद्धबाबा सुरूङ मार्गको टर्नेलमा क्षति पुगेको छ । गएरातिदेखि परेको अविरल वर्षासँगै झरेको पहिरोले सिद्धबाबा मन्दिर नजिक निर्माणाधिन टर्नेल पुरिएको छ ।
सुरुङ्ग मार्ग आयोजनाका इन्जिनियर युधिरिष्ट पन्थीका अनुसार बुटवलतर्फको साइडमा निर्माण थालिएको टर्नेलमा ठूलो क्षति पुगेको बताएका छन् । इन्जिनियर पन्थीले भने, आकार लिएको सुरूङमाथि पहिरोका कारण टर्नेल भत्किएको जनाए ।
सुरूङमार्गमा अहिले दैनिक ८० जना कामदारले काम गर्दै आएका छन् । सुख्खा र बर्षातमा पनि पहिरो झरेर धेरै यात्रुहरुको मृत्यु हुने पाल्पाको तिनाउ गाउँपालिका वडा न–३ मा सुरूङमार्ग निर्माण थालिएको थियो ।
सिद्धार्थ राजमार्गको बुटवल–पाल्पा सडकको सिद्धबाबा क्षेत्रमा माथिबाट खस्ने पहिरोले बर्षेनी मानवीय तथा भौतिक क्षति पुग्दै आएको थियो । जुन समस्यालाई समाधान गर्ने उपाय अनुसार उक्त १० अर्ब रूपैयाँ अनुमानित लागतमा सुरुङ्गमार्ग बनाउने परियोजना शुरु गरिएको थियो ।
