देउखुरी । लुम्बिनी प्रदेश सभाको २३ औं बैठक शुक्रवार आज दिउँसो ३ बजे बस्ने भएको छ । बैठकमा सम्भावित केही कार्यसूचीहरु प्रस्तुत गरिने प्रदेश सभा स्रोतले जानकारी दिएको छ ।
बैठकमा सांसदहरुले विशेष समयमा समसामयिक विषयमाथि बोल्ने कार्यक्रम तय भएको बताईएको छ । प्रदेश निजामती सेवाको गठन, सञ्चालन र सेवाका शर्त सम्बन्धमा व्यवस्थापन गर्न बनेको विधेयक” लाई दफावार छलफलका लागि सम्बन्धित समितिमा पठाइयोस् भनी प्रस्ताव प्रस्तुत हुने र लुम्बिनीका सभामुख तुलाराम घर्तीले उक्त प्रस्तावलाई निर्णयार्थ प्रस्तुत गर्ने उल्लेख छ ।
यस्तै बैठकमा स्वास्थ्यमन्त्री राजु खनालले “स्वास्थ्य संस्था स्थापना, सञ्चालन, नवीकरण तथा स्तरोन्नति ऐन, २०७६ लाई संशोधन गर्न बनेको प्रतिवेदन सहितको विधेयक” माथि छलफल र पारित गरियोस् भन्ने प्रस्ताव प्रस्तुत गर्ने र उक्त प्रस्तावमाथि निर्णायार्थ सभामुख घर्तीले प्रस्तुत प्रदेश सभा सचिवालयले जनाएको छ ।
