काठमाडौं– पूर्वगृहमन्त्री सुधन गुरुङले ईश्वरी भुजेलको हत्यामा संलग्न व्यक्तिमाथि कडा कारबाही गर्न माग गरेका छन्।
उनले प्रहरी वृत्त बालाजु पुगेर घटनाबारे जानकारी लिएका थिए। सो क्रममा उनले घटनाको सत्यतथ्य छानबिन गरी दोषीलाई कानुनी दायरामा ल्याउन आग्रह गरेको उनको सचिवालयले जनाएको छ।
त्यसअघि पूर्वमन्त्री गुरुङले मृतक ईश्वरी भुजेलकी आमा र दिदीसँग भेट गरी घटनाबारे जानकारी लिएका थिए। मृतक भुजेल पूर्वमन्त्री गुरुङकै गोरखा क्षेत्र नं १ का स्थानीय बासिन्दा भएको बताइएको छ।
प्रहरी केन्द्रीय समाचार कक्षका अनुसार तारकेश्वर नगरपालिका–६ लोलाङ पैयुटार बस्ने ४२ वर्षीय कुमार थापा मगरले गए राति आफ्नी ४२ वर्षीया श्रीमती ईश्वरी भुजेलको हत्या गरेका हुन्।
प्रहरीले घटनाबारे थप अनुसन्धान जारी राखेको जनाएको छ।
