काठमाडौं । राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनअन्तर्गत अधिकांश प्रतिनिधिले सहभागिता शुल्क बुझाएका छन् ।
शनिबार (असार ६) चितवनको भरतपुरमा बसेको केन्द्रीय समिति बैठकमा यसबारे जानकारी गराइएको हो ।
प्रतिनिधिबारे उपसमिति संयोजक लिमा अधिकारीले हालसम्म ती हजार ९९० जनाले प्रतिव्यक्ति पाँच हजार रुपैयाँ सहभागिता शुल्क बुझाइसकेको बैठकमा बताएको प्रवक्ता मनिष झाले जानकारी दिए ।
“तथ्यांक निर्वाचन आयोगलाई बुझाइएको र रुजु गर्ने प्रक्रियामा रहेको जानकारी गराउनुभएको छ,” झाले भनेका छन् ।
रास्वपा महाधिवेशनमा चार हजारभन्दा बढी प्रतिनिधि सहभागी हुनेछन् । आइतबार (असार ७)देखि भरतपुरमा रास्वपा महाधिवेशन सुरु हुँदै छ ।
