काठमाडौँ । सुदूरपश्चिम प्रदेशमा भएका विभिन्न आन्दोलनका क्रममा घाइते भएका 'जेनजी' (Gen Z) पुस्ताका युवाहरूको अनुभव, वर्तमान समस्या र राज्यप्रतिको अपेक्षाहरूलाई उजागर गर्न काठमाडौँमा एक विशेष अन्तक्र्रिया कार्यक्रमको आयोजना गरिने भएको छ।
स्वतन्त्र नागरिक अभियान, नेपालको प्रस्तुतिमा 'जेनजी सडक' र 'युथ फर नेसन' ले संयुक्त रूपमा भोलि (असार ८ गते, सोमबार) यो कार्यक्रम गर्न लागेका हुन्। चाबहिलस्थित चलचित्र विकास बोर्डको सभाहलमा दिउँसो १२:३० बजेदेखि कार्यक्रम सुरु हुने आयोजकले जनाएका छन्।
मुख्य नारा: "युवाको आवाज, राष्ट्रको भविष्य"
आयोजकका अनुसार आन्दोलनका क्रममा घाइते भएर शारीरिक तथा मानसिक कष्ट भोगिरहेका युवाहरूले कार्यक्रममा आफ्ना अनुभवहरू सिधै सुनाउने छन्। आन्दोलनमा होमिएका युवाहरूको वर्तमान अवस्था के छ र उनीहरूले राज्यबाट के कस्ता अपेक्षा राखेका छन् भन्ने विषयलाई कार्यक्रमको केन्द्रमा राखिएको छ।
युवाहरूका रचनात्मक सुझाव र आवाजलाई नीतिगत तहसम्म पुर्याएर राज्यलाई दबाब दिने उद्देश्यले कार्यक्रममा 'खुला संवाद' को समेत व्यवस्था गरिएको छ।
कार्यक्रमका मुख्य विशेषताहरू:
-
प्रत्यक्ष प्रसारण: कार्यक्रमलाई थप प्रभावकारी र देशव्यापी बनाउन प्राइम टेलिभिजन मार्फत प्रत्यक्ष (Live) प्रसारण गरिनेछ।
-
सरोकारवालाको सहभागिता: अन्तक्र्रियामा विभिन्न क्षेत्रका सामाजिक अभियन्ता, युवा प्रतिनिधि, पत्रकार तथा सरोकारवाला निकायका व्यक्तिहरूको बाक्लो उपस्थिति रहनेछ।
-
मूल उद्देश्य: युवाहरूको आवाजलाई एकीकृत रूपमा सुनेर समाजमा संवाद, सहकार्य र सकारात्मक परिवर्तनको यात्रालाई मजबुत बनाउनु नै यस कार्यक्रमको मुख्य लक्ष्य रहेको छ।
