चितवन । नेपाली कांग्रेसका सभापति गगनकुमार थापा राष्ट्रिय स्वतन्त्र पार्टी (रास्वपा) को प्रथम महाधिवेशनमा सहभागी हुन चितवन पुगेका छन्। रास्वपाले पठाएको औपचारिक निमन्त्रणा स्वीकार गर्दै थापा महाधिवेशन उद्घाटन समारोहमा सहभागी हुन भरतपुर आइपुगेका हुन्।
रास्वपाको पहिलो महाधिवेशनलाई देशको समकालीन राजनीतिक वृत्तमा महत्त्वपूर्ण कार्यक्रमका रूपमा हेरिएको छ। महाधिवेशन उद्घाटन समारोहमा विभिन्न राजनीतिक दलका शीर्ष नेता, जनप्रतिनिधि, बुद्धिजीवी तथा विशिष्ट व्यक्तित्वहरूको उपस्थिति रहने कार्यक्रम रहेको छ।
थापाको सहभागितालाई प्रमुख राजनीतिक दलहरूबीचको लोकतान्त्रिक संवाद र सहकार्यको सकारात्मक संकेतका रूपमा समेत हेरिएको छ। रास्वपाले आफ्नो संगठनात्मक संरचना सुदृढ गर्दै नयाँ नेतृत्व चयन गर्ने तयारी गरिरहेका बेला आयोजित यो महाधिवेशनप्रति राजनीतिक वृत्तको विशेष चासो रहेको छ।
