काठमाडौं l समाजसेवा, समर्पण र स्वास्थ्य सेवाको क्षेत्रमा उल्लेखनीय योगदान पुर्याउँदै आएका दुई प्रतिभाशाली युवा चिकित्सक अब जीवनको नयाँ र पवित्र यात्रामा एकसाथ अघि बढ्ने भएका छन् । डा. सम्पदा आचार्य र डा. प्रशन्न भट्टराई शुभ-विवाहको मंगलमय बन्धनमा बाँधिन लागेका हुन् ।
काठमाडौ, नैकाप निवासी कमल आचार्य र मन्जु आचर्यकी सुपुत्री डा. सम्पदा आचार्य तथा काठमाडौं, टोखा नगरपालिका-६ निवासी भानुभक्त भट्टराई र शारदा भट्टराईका सुपुत्र डा. प्रशन्न भट्टराई बीच सम्पन्न हुन लागेको यो वैवाहिक समारोहलाई केवल दुई व्यक्तिको मिलनका रूपमा मात्र नभई दुई सुसंस्कृत, प्रतिष्ठित र सम्मानित परिवारबीच स्थापित हुँदै गएको आत्मीय सम्बन्धको सुन्दर प्रारम्भका रूपमा हेरिएको छ ।
आफ्नो पेशालाई केवल व्यवसाय नभई सेवा र मानवीय उत्तरदायित्वको माध्यमका रूपमा आत्मसात् गर्दै आएका यी दुई चिकित्सकको जीवनयात्रा अब वैवाहिक सम्बन्धमार्फत अझ अर्थपूर्ण, जिम्मेवार र प्रेरणादायी बन्ने विश्वास परिवारजन, आफन्त तथा शुभेच्छुकहरूले व्यक्त गरेका छन् ।
वैदिक सनातन परम्पराअनुसार “श्री गणेशाय नमः” तथा “मङ्गलम् भगवान् विष्णुः” को मंगलमय स्मरणसहित आयोजना गरिएको यस शुभ अवसरले प्रेम, विश्वास, संस्कार, आपसी समझदारी र पारिवारिक मूल्यहरूको सुन्दर संगमलाई अझ मजबुत बनाउने अपेक्षा गरिएको छ ।
पारिवारिक स्रोतका अनुसार नवयुगलको वैवाहिक समारोह यही असार १८ गते, बिहीबार काठमाडौंस्थित वाटिका ब्याङ्क्वेट, लाम्पाटी-कलंकी मा विशेष समारोहबीच सम्पन्न हुने कार्यक्रम तय गरिएको छ ।
जीवनको नयाँ अध्याय प्रारम्भ गर्न लागेका यस सुन्दर नवदम्पतीप्रति परिवार, आफन्तजन, शुभेच्छुक तथा सम्पूर्ण शुभचिन्तकहरूले सुखद, सफल र समृद्ध दाम्पत्य जीवनको हार्दिक शुभकामना व्यक्त गरेका छन् ।
