काभ्रे । प्रहरीले काभ्रेमा बुद्धका मूर्ति, नगद सहित केही जिन्सी सामाग्री चोरी गरेको आरोपमा एक जनालाई पक्राउ गरेको छ । बनेपा नगरपलिका-६ स्थित हरी चन्द्र पोखरेलको ‘हाई भ्यु रिसोर्ट होटल’मा रातको समयमा झ्याल फोडेर चोरी गरेको आरोपमा प्रहरीले २२ वर्षीय अमृत तामाङलाई पक्राउ गरेको हो ।
निवेदकले दिएको हुलियाको आधारमा इलाका प्रहरी कार्यालय बनेपाको टोलीले २ गते राति ११ बजे धुलिखेल नगरपालिका९३ बाट तामाङलाई पक्राउ गरेको हो । प्रहरीले तामाङको साथबाट यूएसए, यूरो, भियतनाम देशका विदेशी मुद्रा ५०००, भारतीय रुपैयाँ २० हजार, नेपाली नगद ५० हजार, विभिन्न साइजका बुद्धका मूर्तिहरु, दुई थान ल्याप्टप र आईप्याड लगायत सामाग्री बरामद गरेको छ ।
पक्राउ परेका तामाङलाई चोरी तथा डाँका सम्बन्धी कसूरमा जिल्ला अदालतबाट ७ को म्याद थप गराई अनुसन्धान भइरहेको प्रहरीले जनाएको छ ।
