कास्की । प्रधानमन्त्री बालेन्द्र शाह (बालेन) पोखरा आइपुगेका छन्। शुक्रबार बिहान काठमाडौंँबाट निजी भ्रमणका लागि निस्किएका प्रधानमन्त्री शाह मुस्ताङतर्फ जाने क्रममा आज दिउँसो स्थलमार्ग हुँदै पोखरा आइपुगेका हुन्।
पोखरा आइपुगेपछि प्रधानमन्त्री शाह आज पोखरानजिकै रहेको अस्ताम गाउँस्थित अन्नपूर्ण इको भिलेज रिसोर्टमा बास बस्ने भएका छन्। प्रधानमन्त्री शाह निजी भ्रमणका क्रममा मुस्ताङतर्फ गएको बताइएको छ। उनको पोखरा बसाइ तथा आगामी कार्यक्रमबारे भने विस्तृत विवरण सार्वजनिक गरिएको छैन।
प्रधानमन्त्री शाहको टोलीले पोखरामा केही समय बिताएपछि मुस्ताङतर्फको यात्रा अघि बढाउने तयारी रहेको बताइएको छ। भ्रमण निजी भएकाले प्रधानमन्त्रीको भ्रमण तालिका र अन्य कार्यक्रमलाई औपचारिक रूपमा सार्वजनिक गरिएको छैन।
यसअघि काठमाडौंँबाट मुस्ताङका लागि निस्किएका प्रधानमन्त्री शाह पोखरा पुगेपछि उनको यात्रा र बसाइलाई लिएर स्थानीय क्षेत्रमा समेत चासो देखिएको छ।
