मुस्ताङ । प्रधानमन्त्री वालेन्द्र शाह केहीबेरअघि मुस्ताङबाट काठमाडौँका लागि प्रस्थान गरेका छन्। प्रधानमन्त्री शाह शनिबार परिवारका सदस्यसहित मुस्ताङ पुगेका थिए। मुस्ताङ पुगेपछि उनले शनिबार अपराह्न प्रसिद्ध धार्मिकस्थल मुक्तिनाथ मन्दिरमा पूजार्चना गरेका थिए।
मुक्तिनाथ दर्शनपछि प्रधानमन्त्री शाह आज जोमसोम–बेनी सडकमार्ग हुँदै संघीय राजधानी काठमाडौँतर्फ फर्किएका हुन्। जिल्ला प्रहरी कार्यालय मुस्ताङका सूचना अधिकारी प्रहरी निरीक्षक सन्तोष बस्यालका अनुसार प्रधानमन्त्री शाह जोमसोम–बेनी मार्ग हुँदै काठमाडौँका लागि प्रस्थान गरेका हुन्।
प्रधानमन्त्रीको मुस्ताङ भ्रमण पारिवारिक तथा धार्मिक भ्रमणका रूपमा रहेको बताइएको छ। भ्रमणका क्रममा उनले मुक्तिनाथमा पूजाअर्चना गर्दै धार्मिक तथा सांस्कृतिक महत्व बोकेको यस क्षेत्रको अवलोकनसमेत गरेका थिए।
