काठमाडौं- सामाजिक सञ्जालमार्फत प्रधानमन्त्री वालेन्द्र शाहलाई मार्ने धम्की दिएको आरोपमा एकजना युवक पक्राउ परेका छन्।
पक्राउ पर्नेमा झापाको भद्रपुर नगरपालिका–९ घर भई हाल काठमाडौंको कीर्तिपुर बस्दै आएका २३ वर्षीय पुष्कर दाहाल छन्।
काठमाडौं उपत्यका अपराध अनुसन्धान कार्यालयको विशेष टोलीले उनलाई कीर्तिपुरको नयाँ बजारबाट नियन्त्रणमा लिएको हो।
पक्राउ परेका दाहाललाई थप अनुसन्धान तथा आवश्यक कारबाहीका लागि साइबर ब्यूरो पठाइएको प्रहरीले जनाएको छ।
दाहालले इन्स्टाग्राममा स्टाटस लेख्दै प्रधानमन्त्री शाहलाई आगामी भदौ २३ गते ‘सिद्याइदिने’ भनी धम्की दिएका थिए। त्यही पोस्टमा उनले नेपाल प्रहरीलाई समेत ट्याग गर्दै गालीगलौज गरेका थिए।
प्रहरीका अनुसार पक्राउ परेका दाहाल कुलमान घिसिङ नेतृत्वको उज्यालो नेपाल पार्टीमा आबद्ध छन्। सामाजिक सञ्जालको दुरुपयोग गरी धम्कीपूर्ण अभिव्यक्ति र सुरक्षा निकायलाई पनि चुनौती दिएकोबारे साइबर ब्यूरोले अनुसन्धान भइरहेको जनाएको छ।
