बुटवल। करिव एकबर्ष दुई महिना अगाडिदेखि बुटवलमा निर्माण गर्न लागेको लुम्विनी केवलकार भोलीदेखि सञ्चालनमा आउने भएको छ । केवलकार सञ्चालकले आइतवार केवरलकार निर्माण गरिएको बमघाटमा नै पत्रकार सम्मेलनको आयोजना गरी जानकारी गराएको हो । सम्मेलनमा उक्त केवलकारका सञ्चालक चन्द्र ढकालको उपस्थितीमा गरिएको थियो । ४९ जना र ५१ प्रतिशत आईएमईको ५ अरब लगानीमा निर्माण गरिएको केवुलकार १ बर्ष २ महिनामा निर्माणकार्य सम्पन्न भएको छ । केवुलकारमा २५ वटा गन्डोला रहेको र एउटामा ८ जना बस्न मिल्ने सञ्चालक ढकालले पत्रकार सम्मेलनमा वताउँदै सातै प्रदेशमा केवलकार सञ्चालनमा ल्याउने जनाए ।

उनले भने, हामीले तोकिएको समयावधि भित्र सञ्चालन गर्ने भनेपनि तर विभिन्न कानूनी अट्चनका कारण केही समय ढिला भएको जनाउँदै आफुहरुले ढिलै भएपनि बुटवलमा केवलकार सञ्चालन गर्न सफल भएको वताए । बुटवलको बमघाटबाट पाल्पाको तिनाउ गाउँपालिकामा रहेको बसन्तपुर डाँडासम्म सवार गराउने रबसन्तपुरमा कामक्ष मन्दिर बनाएर धार्मिक एवं पर्यटन क्षेत्रलाई समेट्ने लक्ष्यका साथ अगाडि बढेको उल्लेख गरे । १५० बेडको क्यासिनो सहितको होटल बनाउने र विशेषगरी भारतीय र बोद्धधर्मालम्बी पर्यटकहरुको आगमन गराउने लक्ष्य रहेको जनाए।

बुटवलबाट प्रदेशको राजधानी दाङ सरेको र भैरहवामा अन्तर्राष्ट्रिय विमानस्थल भएकाले यस केवलकारले यसक्षेत्रका होटल, पर्यटन क्षेत्र लगायतलाई फाईदा पुग्ने सञ्चालक ढकालको विश्वास छ । उनका अनुसार केवलकार सञ्चालनमा आएपछि बुटवलमा आउने पर्यटनलाई १२ दिनसम्म बस्ने गरि पर्यटन क्षेत्रको विकास गरिने समेत जनाए । उनका चन्द्रागिरी, मौलाकाली र बुटवल गरि ३ वटा केवलकार भएका छन् ।