काठमाण्डौँ । नेपाली कांग्रेसका केन्द्रिय सदस्य एवं प्रचार विभाग प्रमुख मीनबहादुर विश्वकर्माले पार्टी सभापति शेरबहादुर देउवा र नेता शेखर कोइराला बीचको एकताले पार्टीमा सुखद सन्देश दिने बताएका छन् ।
‘वडा तहसम्म लोकतन्त्रको अभ्यास गर्दा पार्टी भित्र समूह विभाजन भई गुट बन्यो । यसले गर्दा कार्यकर्ता र मतदातालाई निरास बनाएको छ भने प्राप्त उपलब्धि नै गुम्ने खतरा बढेको छ । यसले गर्दा उच्च तहमा सोच्नुपर्ने स्थिति बन्यो । सभापति शेरबहादुर देउवा र नेता शेखर कोइरालाबीच सहज वातावरणमा छलफल हुनु र एक ठाउँमा बसेर निर्णय गर्नुले सिंगो पार्टी पंक्तिमा एकताको सुख सन्देश जानेछ ।
नेपाली रेडियो नेटवर्क कार्यक्रममा पत्रकार ऋषि धमलासँग कुराकानीमा उनले भने पार्टीका आदरणीय नेताहरु र पदाधिकारी साथीहरुप्रति मेरो कुनै टिप्पणी छैन । नेपाली कांग्रेस ऐतिहासिक र सुझबुझ भएको पार्टी हो । हामिले राजनीतिलाई धरातलीय स्तरमा बुझ्नपर्छ । पार्टीलाई एकढिक्का र एकमत बनाएर अघि लैजान आवश्क छ । नेतृत्वको आलोचना मात्र नभएर आफ्नो कर्तव्यलाई भुल्नु हुदैन ।
धमलाको प्रश्नमा नेता विश्वकर्माले भने आरजु देउवा मुलुकको प्रधानमन्त्री हुन नसक्ने कुनै कारण नभएको पनि बताए । उनले भने, ‘नेपाली कांग्रेसमा लागेका सबै साथीहरु प्रधानमन्त्री हुन योग्य हुनुहुन्छ भने आरजु किन नहुने?
