भीम विश्वकर्मा,
बुटवल । लुम्बिनी प्रदेश सरकारले आगामी आर्थिक वर्ष २०८०/८१ को नीति तथा कार्यक्रम सार्वजनिक गरीरहेको छ।
प्रदेश सरकारले अर्घाखाँचीको मालारानीमा बाख्राको सरकारी श्रोतकेन्द्र संचालनमा ल्याउने भएको छ । भने कपिलवस्तुको कृष्णनगरमा बागवानीको सरकारी श्रोतकेन्द्र संचालनमा ल्याउने भएको छ । प्रदेश सरकारको नीति तथा कार्यक्रम अनुसार विउ विरुवा तथा नस्लका प्राथमीक सोतकालागि उक्त सरकारी श्रोतकेन्द्र संचालनमा ल्याइने भएको हो ।
प्रदेश प्रमुख अमिक शेरचनले प्रदेशसभा समक्ष नीति तथा कार्यक्रम प्रस्तुत गरिरहेका छन् । नीति तथा कार्यक्रममा कृषि क्षेत्रलाई बिशेष् प्राथमिकतामा राखिएको छ । नीति तथा कार्यक्रम प्रस्तुत गर्दै प्रदेश प्रमुख शेरचनले भने “कृषि र कृषकलाई प्रवर्धन गर्न प्रतिफलमा आधारीत प्रोत्साहन अनुदानलाई निरन्तरता दिईने छ । कृषि पेशालाई प्रर्यादीत र सम्मानीत वनाउन कृषि तथा पशुपति क्षेत्रमा उत्पादन तथा प्रविधी हस्तान्तरणमा उदाहरणीय योगदान पुराउने कृषकलाई सम्मान गरीने छ ।”
कृषिको आधुनिकिकरण तथा ब्यवसायीकरण मार्फत उत्पादन र उत्पादकत्व बृद्धि गर्न सरकारले बालिबस्तु बिशेष सघन ब्यवसायिक उत्पादन क्षेत्र बिकास गर्ने भएको छ । यस अन्तर्गत अर्घाखाँची, पाल्पा, गुल्मी र प्युठानमा सुन्तला जातका फलफूल र तरकारी उत्पादनलाई प्रबर्धन गरीने भएको छ ।
यस्तै पशुपंक्षीतर्फ अर्घाखाँचीमा गाई र बाख्रा पालन ब्यवसायलाई पकेट क्षेत्र कनाएर प्रबर्धन गर्ने नीति प्रदेश सरकारले लिएको छ ।
