देउखुरी । शुक्रवार सार्वजनिक हुन थालेको लुम्बिनी प्रदेशको नीति तथा कार्यक्रमबारे प्रमुख प्रतिपक्षी दल नेकपा एमालेका नेता एवं पूर्वमुख्यमन्त्री लिला गिरीले आफ्नो प्रारम्भिक प्रतिक्रिया दिएका छन् ।
उनले अहिलेको नीति तथा कार्यक्रम सतहीमा आएको टिप्पणी गर्दै समग्र विषयवस्तु नै फितलो र हल्का भएको बताएका छन् । उनले थपे, प्रदेशको समृद्धिका जुन आधारहरु तय भएका थिए तिनलाई साकार बनाउने खालका उपयुक्त कार्यक्रम बनाउनु पर्ने थियो तर त्यसतर्फ ध्यान नपुगेको जनाए । जसले थप निराश बनाउने काम गरेको र अहिलेको विषम आर्थिक परिस्थितिलाई सही ढंगले अध्ययन गरि समाधानका उपाय पहिल्याउने तर्फ पनि ध्यान नदिइएको बताए ।
आफुहरुले समग्र विषयमा अध्ययन गरेर आफ्नो धारणा संसदमै प्रस्तुत गर्ने उल्लेख गरे ।
