तुलसीपुर। तुलसीपुर उपमहानगरपालिका-१५ का गगन कार्कीले धन कमाउनका लागि आफ्नो छोरालाई क्यानडा पठाउने तयारीमा जुटे ।
छोरालाई युरोप देशमा पठाएर अनेकौं अपेक्षा राख्दै त्यहाँ पठाउने एजेन्टको खोजीमा लागे र तुलसीपुर उपमहानगरपालिका-७ का अंकित अधिकारीलाई भेटे र प्रक्रिया अगाडि बढाए ।
तर पछिल्लोसमय सोही एजेन्ट अधिकारीले भिसा र टिकट आईसक्यो, तयारी अवस्थामा बस यही जेठ १६ गते उडान हुने भएको छ भनेर खवर गर्दै कार्कीसँग १७ लाख रुपैयाँ बुझे ।
सोही उपमहानगरपालिका-२ खैरीपुरका गंगा बहादुर डाँगीले पनि गत जेठ १६ गते क्यानडा जाने भन्दै १५ गते घरबाट विदाई भएर काठमाण्डौँ हिँडे । अर्का रोहित केसी पनि क्यानडा जानका लागि विभिन्न समयमा गरी २७ लाख रुपैयाँ बुझाए । उनी पनि एजेन्टले दिएको मितिमा क्यानडा उडानको लागि काठमाण्डौँ हानिए । मिठा सपना र योजना बुनेर काठमाण्डौं गएका युवाहरु उडान हुने दिन र जानकारी गराईएको समयसम्ममा पनि कागजपत्र नपाएपछि आफूहरु ठगिएको आशंका गरे ।
एजेन्ट अधिकारीले नक्कली टिकट र भिसा देखाएर आफुहरु बाट पैसा असुलेको घरबाट साईत गरेर काठमाण्डौँ गएपछि मात्रै ठगिएको थाहाँ पाए । उनि भन्छन्, "विभिन्न मितिमा गरि मैले एजेन्ट अधिकारीलाई २५ लाख बुझाएको छु । " यसरी हामीलाई विदेश पठाउँछु भनेर ऋण काढेर बुझाएको पैसा डुबेपछि न्यायका लागि यतिबेला प्रहरी कहाँ गएको र कारबाहीका लागि अपिल गरेका छौं । उनले भने ।
क्यानडा र पोल्याण्ड पठाउने भनि विभिन्न ब्यक्तिहरुबाट लाखौँ पैसा असुल गरेर अंकित अधिकारी फरार भएपछि पीडितहरु चिन्तित बनेका छन्। दाङका विभिन्न ब्यक्तिहरुलाई क्यानडा र पोल्याण्ड पठाउने भनेर नक्कली भिसा र टिकट देखाएर उनीले एक लाखदेखि २७ लाख रुपैयाँसम्म असुलेर भागेपछि पीडितहरुको स्थिति गम्भीर बनेको छ ।
