काठमाडौं । राष्ट्रिय स्वतन्त्र पार्टीका सभापति रवि लामिछानेले आफ्नो पार्टीविरुद्ध बाधा पुर्याउने काम भइरहेको आरोप लगाएका छन्। शनिबार काठमाडौंमा आयोजित कार्यक्रमलाई सम्बोधन गर्दै लामिछानेले आगामि चुनावमा बहुमत आउने देखेर पार्टी बिरुद्ध घेराबन्दी गरिरहेको आरोप लगाए ।
उनले अहिले राष्ट्रपति रामचन्द्र पौडेलले सरकारको सिफारिसमा नागरिकता विधेयक प्रमाणीकरण गर्नु गलत भएको बताए । उनले वैवाहिक अंगीकृतका हकमा पनि यस नागकिरता विधेयकले बोलोस् भन्ने चाहे पनि संसदमा छलफल नै नगरि प्रमाणीकरण गर्नुले सरकारको नियत स्पष्ट भएको जिकिर गरे ।
सभापति लामिछानेले आफ्नो पार्टीले राजनीतिक अडानका रुपमा लिएका मुद्दालाई नछोड्ने बताए। उनले आगामी चुनावमा पार्टीलाई जिताउनका लागि अभियान चलाउन सम्पूर्ण नेता कार्यकर्तालाई आग्रह समेत गरे ।
