काठमाडौँ । नक्कली भुटानी शणरार्थी प्रकरणमा पक्राउ परेका पूर्व उपप्रधानमन्त्री समेत रहेका नेकपा एमालेका नेता टोपबहादुर रायमाझीका छोरा सन्दीप रायमाझीका वकिल बाबुराम दाहाल र न्यायाधीश प्रेमप्रसाद न्यौपानेबीच ‘भनभान’ भएको छ।
नेपाली नागरिकलाई नक्कली भुटानी शरणार्थी बनाइ अमेरिका पठाइदिने भन्दै ठगी गरेको अभियोगमा पक्राउ परेका एमालेका नेता रायमाझीका छोरा सन्दीपका वकिल र न्यायाधीशबीच आइतबार बोलीको विषयमा भनाभन भएको हो।
न्यायाधीश न्यौपानेले सन्दीपका वकिल दाहाललाई बिस्तारै बोलेपनि आफूले सुन्ने जनाउँदै चर्को स्वरमा नबोल्न भनेका थिए। ‘चर्को स्वरमा नबोल्नुहोस। विस्तारै बोले पनि म सुन्छु। नेपाली बुझ्छु। नरिसाइ बोलौँ न’ उनले भने। यता, जवाफमा आफैँ पीडामा परे जस्तो भएकाले भावनामा आएर चर्को स्वर पर्न गएको सन्दीपका वकिलले बताएका थिए।
