काठमाण्डौँ । त्रिभुवन विश्वविद्यालय त्रिविका उपप्राध्यापक प्रेम चलाउनेलाई प्रहरीले नियन्त्रणमा लिएको छ। आफूमाथि कुटपिट गर्ने नेविसंघका कार्यकर्तामाथि कारवाहीको माग गर्दै सर्वोच्च अदालगमा अनसन बस्न पुगेका चलाउनेलाई प्रहरीले नियन्त्रणमा लिएको हो।
त्रिवि समाज शास्त्र विभागकका उप(प्राध्यापक चलाउनेमाथि २०७७ साल असोज २० गते नेविसंघका कार्यकर्ताले कुटपिट गरेका थिए। आफूमाथि कुटपिट गर्नेहरूमाथि कारबाहीको माग गर्दै मुद्दा दर्ता गरेकोमा सरकारले सो मुद्दा फिर्ता लिने निर्णय गरेपछि उनी अनसन बस्न पुगेका हुन्।
यतिबेला सर्वोच्च अगाडि नाराबाजी चलिरहेको छ। उपप्राध्यापक चलाउनेमाथि त्रिवि नेविसंघ क्याम्पस इकाइका तत्कालीन अध्यक्ष हरि आचार्य र कार्यकर्ता योगेन्द्र रावलसहित रविन लामा, सयुज श्रेष्ठ तथा निरज रानामगर लगायतको समूहले आक्रमण गरेको थियो। आक्रमणमा संलग्न भएकाहरूमाथि ज्यान मार्ने उद्योगको मुद्दा अदालतमा विचाराधीन थियो। मुद्दाको अन्तिम पेसी यही असार ५ गतेलाई तोकिएको थियो।
