रोल्पा । परिवर्तन गाउँपालिकाले सामुदायिक रेडियो मालश्री १०० बिन्दु ५ मेघाहर्जका पत्रकार सुर्य प्रकाश बुढा मगरलाई सम्मान गरेको छ। आर्थिक वर्ष २०८०/०८१ को नीति,कार्यक्रम तथा बजेट अधिवेशन र पन्ध्रौं गाउँसभाको अवसरमा पत्रकार बुढा मगरलाई सम्मान गरेको हो।
असार ७ गते बसेको २०औं कार्यपालिका निर्णय तथा आर्थिक वर्ष २०७९र०८० को स्वीकृत कार्यक्रम अनुसार परिवर्तन गाउँपालिकाको हरेक गतिविधिलाई मिडिया समक्ष सम्पादन प्रकाशन गर्ने एक जना पत्रकारलाई सम्मान गर्ने उद्देश्य अनुरुप पत्रकार बुढा मगरलाई नगद १५ हजार सहित प्रमाणपत्र,खाँदा र अबिरले सम्मान गरेका हो ।
मगरलाई पूर्व सहायक राज्य मन्त्री भिम कुमारी बुढा मगर,परिवर्तन गाउँपालिकाका अध्यक्ष सुक बहादुर बुढा मगर,परिवर्तन गाउँपालिकाका उपाध्यक्ष कलादेवी खत्रेनी र परिवर्तन गाउँपालिकाका प्रमुख प्रेम जि.एम लगायतले सम्मान गर्नु भएको हो।पत्रकार बुढा मगर सामुदायिक रेडियो मालश्रीमा २०७४ जेठ १४ गतेदेखि आवद्ध भएका थिए।अहिले रेडियोका साथै विभिन्न अनलाइन पत्रिकामा आवद्ध हुँदै सक्रिय रूपमा पत्रकारिता गर्दै आएका छन् ।
