बुटवल । लायन्स क्लब अफ बुटवल बेस्टले औपचारिक रुपमा बर्ष २०२३/२४ का लागि पद हस्तान्तरण कार्यक्रम सम्पन्न गरेको छ । बुटवलको बेलबासमा स्थापना भई निरन्तर सामाजिक तथा सेवामुलक कार्यमा अग्रसर संस्था लायन्स क्लब अफ बुटवल बेस्टले नमस्ते पार्टी प्यालेसमा उक्त कार्यक्रम सम्पन्न गरेको हो ।
कार्यक्रममा लायन्स क्लब अफ बुटवल बेस्टको २०२३/२४ को अध्यक्षमा नवनिर्वाचित समाजसेवी तथा बैन्कर लायन प्रकाश शर्मा , प्रथम उपाध्यक्ष लायन अमर थापा , सचिब लायन गीता बन्जाडे , कोषाध्यक्ष लायन नारायण नेपालले पदभार ग्रहण गरेका छन् । निवर्तमान अध्यक्ष लायन शिव आचार्य सहितको टिमले नवनिर्वाचित टिमलाई पदभार हस्तान्तरण गरेको हो ।
कार्यक्रममा निवर्तमान अध्यक्ष लायन शिव आचार्यले बर्ष २०२३/२४ को कार्यकालमा संयोजक पदमा रही योगदान गरेका संयोजकहरुलाई सम्मान पत्र र नयाँ सदस्यहरुलाई स्वागत सहित लायन इन्टरनेशनलले प्रदान गर्ने सदस्यता प्रमाणपत्र ,पिन र वर्ष २०२३/२४ को सम्पूर्ण टिमलाई सफल कार्यकालको शुभकामना सहित मायाको चिनो प्रदान गरेका थिए ।
लायन्स क्लब अफ बुटवल वेस्ट २०२३/२३ का अध्यक्ष लायन शिव आचार्यको अध्यक्षता, वर्ष २०२३/२३ का एरिया चिफ लायन माधव खनालको प्रमुख आतिथ्यता, वर्ष २०२३/२३ का रिजन चियरपर्सन लायन बिमला गैरेको विशिष्ट अतिथि र वर्ष २०२३/२३ जोन चियरपर्सन तथा लायन्स क्लब अफ बुटवल वेस्ट का संस्थापक अध्यक्ष लायन वेद प्रकाश गैरे , लायन्स क्लब अफ बेलबास सिर्जनशिलका अध्यक्ष सरस्वती खनालको अतिथि लगायत क्लबका विभिन्न पदाधिकारी सहित सम्पूर्ण सदस्यको उपस्थितीमा कार्यक्रम सम्पन्न भएको थियो ।
लायन प्रकाश शर्माको स्वागत मन्तब्यमा सम्पन्न भएको कार्यक्रममा एरिया चिफ लायन माधव खनाल,जोन चियरपर्सन वेद प्रकाश गैरे,रिजन चियरपर्सन लायन बिमला गैरे लगायतले शुभकामना मन्तब्य राखेका थिए । सोही अवसरमा लायन्स क्लब अफ बुटवल बेस्टले अवार्डका साथै दृष्टिविहिनहरुलाई फ्रिज वितरण गरेको छ ।
