बुटवल । रगतको अत्याधिक अभाव भएको अवस्थामा मुद्रण उद्योग संघ रुपन्देही र नेपाल स्वयंसेवी रक्तदाता समाज तिलोत्तमा शाखाको संयुक्त आयोजनामा रक्तसञ्चार सेवा केन्द्र शुक्रवार बुटवलमा रक्तदान कार्यक्रम सम्पन्न भएको छ ।
जिल्लाभित्र रहेका मुद्रण (छापाखाना) व्यवसायीहरुको छाता संगठनको रुपमा रहेको मुद्रण उद्योग संघ रुपन्देहीले विभिन्न सामाजिक क्रियाकलाप अन्र्तगत आज रक्तदान कार्यक्रम सम्पन्न गरेको हो । रक्तदान कार्यक्रममा ३० जना रक्तदाताहरुले रगद दान गरेका थिए ।
मुद्रण उद्योग संघ रुपन्देहीका अध्यक्ष लिलाधर लुइँटेल, नेपाल स्वयंसेवी रक्तदाता समाज तिलोत्तमा शाखाका अध्यक्ष गोविन्द भुसाल, मुद्रण उद्योग संघ रुपदेन्हीका सचिव र तिलोत्तमा शाखामा महासचिव सागर पाठकको सञ्चालनमा भएको उक्त कार्यक्रममा मुद्रण उद्योग संघ रुपन्देहीका उपाध्यक्ष पशुपति पौडेल लगायतले रगत अभाव हुन दिननहुने बताएका थिए। उक्त कार्यक्रममा नेपाल रक्तदाता संघका केन्द्रिय महासचिव तथा रुपन्देही जिल्ला अध्यक्ष कृष्ण चौहान क्षेत्रीले विभिन्न संस्थाहरु यसैगरी रक्तदान कार्यक्रममा जुट्दै गएमा रगतको अभावले कसैको ज्यान अकालमै गुमाउनुपर्ने जोखिम हटेर जाने विश्वास व्यक्त गरे ।
