बुटवल । लामो समयपछि आएको मनसुन यतिबेला देशका विभिन्न स्थानमा भारी वर्षा हुँदै आएको छ । जसका कारण पहाडमा पहिरो र तराईमा डुबानको खतरा बढ्दै गएको छ । यसै क्रममा गएरातीदेखी लुम्बिनी प्रदेशको रुपन्देही सहितका अन्य धेरै जिल्लाहरुमा अविरल वर्षा भइरहेको छ ।
बर्षाका कारण बुटवलस्थित रहेको तिनाउ नदिमा शनिवार ८ बजेसम्म बाढीले सतह पार गरेको बुटवल जलमापन केन्द्रले जनाएको छ । केन्द्रका अनुसार जलसतहले खतराको घण्टी बजाएको र तिनाउ नदीको माथिल्लो जलाधार क्षेत्रमा थप बर्षा भइरहेकाले नदी तटकिय क्षेत्रमा बस्नेहरुलाई सुरक्षित स्थानमा जान आग्रह गरेको छ ।
