काठमाडौं । नेकपा एकीकृत समाजवादी पार्टीले सचिवालय बैठक बोलाएको छ। आजदेखि तीन दिनसम्मका लागि बैठक बस्ने उपाध्यक्ष राजेन्द्र पाण्डेले जानकारी दिए।
उनले पार्टीले एक वर्षमा गरेका कामको समीक्षा, समसायिक राजनीतिक विषय, सरकारका कामकारबाही र पार्टी छोडेका नेताहरूको ठाउँमा अन्यलाई जिम्मेवारी दिइने बताए।
कीर्तिपुरस्थित पुष्पलाल स्मृति भवनमा आज ११ बजेदेखि बस्ने बैठकमा पार्टीका भावी रणनीतिका विषयमा छलफल हुनेछ। नेकपा एस छाडेका चुडामणि जंगली, केदार न्यौपाने, मुकुन्द न्यौपानेलगायतका नेताको ठाउँमा पार्टीले अर्को नेतालाई जिम्मेवारी दिन लागेको हो। उनीहरू नेकपा एमालेमा प्रवेश गरिसकेका छन्।
