न्युयोर्क । अमेरिकाको न्युयोर्कस्थित एक गगनचुम्बी भवनमा भएको भीषण बन्दुक आक्रमणमा प्रहरीसहित चार जनाको ज्यान गएको छ । सोमबार साँझ भएको घटनामा अन्य केही व्यक्तिहरू घाइते भएका छन् ।
प्रहरीका अनुसार आक्रमणकारीको पनि घटनास्थलमै मृत्यु भएको छ । गोली चलाउने व्यक्ति नेभाडाका सेन डि टमुरा रहेको प्रारम्भिक अनुसन्धानबाट पुष्टि भएको छ । आक्रमणको क्रममा धेरै जना प्रहरी अधिकारीहरूसमेत घाइते भएका छन् ।
यो घटना अमेरिकामा यस वर्षको २४ औं ‘मास सुटिङ’ (बहु हत्या आक्रमण) हो, जसले पुनः अमेरिकी सुरक्षा र बन्दुक नियन्त्रण नीतिप्रति गम्भीर प्रश्न उठाएको छ।
प्रहरीले घटनाको अनुसन्धान सुरु गरिसकेको छ भने घाइतेहरूको स्थानीय अस्पतालमा उपचार भइरहेको छ । सुरक्षालाई थप कडा पारिएको न्युयोर्क प्रहरीले जनाएको छ ।
