अर्घाखाँची । अर्घाखाँची जिल्लामा पछिल्लो एक वर्षमा ३३ वटा सडक दुर्घटना भएका छन् ।
२०७९ असार मसान्तदेखि २०८० असार मसान्तसम्ममा ३० वटा सडक दुर्घटना भएका छन् भने दुर्घटनामा १३ जनाको मृत्यु भएको छ । जिल्ला ट्राफिक कार्यालय अर्घाखाँचीका अनुसार उक्त दुर्घटनाबाट ४० जना घाइते भएका छन् ।
मृत्यु हुनेमा ११ जना पुरुष, १ जना महिला र १ जना बालबालिका भएको ट्राफिक कार्यालयले जनाएको छ । कार्तिक, पुष र जेष्ठ महिनामा ३/३ जना, माघमा २ जना र मंसिर र बैशाख महिनामा १/१ जनाको मृत्यु भएको हो ।
यस्तै ट्राफिक नियमको उल्लंघन गर्ने ६ हजार २ सय १२ जनालाई कारवाही गरिएको छ । उक्त कारबाहीबाट ३७ लाख २१ हजार राजश्व संकलन भएको जिल्ला ट्राफिक कार्यालय अर्घाखाँचीले जनाएको छ ।
