काठमाडौं- इरानका राष्ट्रपति मसुद पेजेस्कियानले आफ्ना छिमेकी मुलुकहरूमाथि अबदेखि कुनै पनि सैन्य आक्रमण नगरिने स्पष्ट पारेका छन् ।
इरानको अन्तरिम नेतृत्व परिषद्ले हिजो एक विशेष निर्णय पारित गर्दै छिमेकी देशहरूको भूमि प्रयोग गरी इरानमाथि आक्रमण नभएसम्म ती देशहरूलाई निशाना नबनाउने नीति तय गरेको उनले जनाए ।
इरानी सञ्चारमाध्यमहरूका अनुसार राष्ट्रपति पेजेस्कियानले यसअघिका दिनहरूमा छिमेकी राष्ट्रहरूमा भएका सैन्य कारबाहीप्रति दुःख व्यक्त गर्दै क्षमायाचना समेत गरेका छन् ।
इरानको यो पछिल्लो कदमलाई क्षेत्रीय तनाव कम गर्ने र छिमेकीहरूसँगको कुटनीतिक सम्बन्धलाई सुदृढ बनाउने प्रयासको रूपमा हेरिएको छ।
