काठमाडाैं । कतारी विदेश मन्त्रालयले राजधानी दोहामा अमेरिका र इरानबीचकाे जारी अप्रत्यक्ष वार्तामा सकारात्मक प्रगति भएको जनाएको छ ।
कतार तथा पाकिस्तानका मध्यस्थकर्तासँग अमेरिका र इरानका प्रतिनिधिमण्डलले छुट्टाछुट्टै रूपमा गरेकाे छलफलमा उल्लेख्य प्रगति भएको अल जजिराले जनाएको हाे । दुवै पक्षले आगामी दिनमा हुने छलफललाई पनि निरन्तरता दिने सहमति गरेका छन् ।
इरानका पूर्व सर्वोच्च नेताको अन्त्येष्टि सम्पन्न भएपछि अर्को बैठक छिट्टै आयोजना गर्ने याेजना रहेकाे हाे । यसैबीच अमेरिकी राष्ट्रपति डोनाल्ड ट्रम्पले वार्तालाई शान्तिपूर्ण समाधानतर्फको महत्त्वपूर्ण कदम भएको प्रतिक्रिया दिनुभएको छ ।
इरानले युरेनियम संवर्द्धनको अधिकार, हर्मुज जलमार्गमाथिको आफ्नो नियन्त्रण तथा अन्य सुरक्षा सम्बन्धी विषयलाई आफ्नो मुख्य बटम लाईन बनाएको हाे। विश्लेषकहरूले वार्तामा केही चुनौती भए पनि कूटनीतिक समाधानको सम्भावना भने खुला छ ।यसैबीच वार्ताको सकारात्मक संकेतसँगै अन्तर्राष्ट्रिय बजारमा कच्चा तेलको मूल्य घटेको हाे।
तेलको मूल्य करिब २ प्रतिशतले घट्दै चार महिनायताकै न्यून बिन्दुमा पुगेको अन्तर्राष्ट्रिय सञ्चारमाध्यमले जनाएका छन् । अन्तर्राष्ट्रिय बजारमा कच्चा तेल करिब ७१ दशमलव ५ देखि ७२ अमेरिकी डलर प्रति ब्यारेलमा कारोबार भइरहेको हाे ।
दुवै पक्षले तनाव थप बढ्न नदिई सम्झौताका प्रावधान कार्यान्वयन, क्षेत्रीय सुरक्षा, हर्मुज जलमार्गमा सुरक्षित जहाज आवागमन र इरानको रोक्का सम्पत्ति सम्बन्धी विषयमा थप छलफल गर्ने सहमति गरेका छन् ।
